मधुमेहाच्या रुग्णांनी मनुका खाव्यात की टाळाव्यात? जाणून घ्या तज्ज्ञांचे मत

🕒 1 min read

मुंबई | प्रतिनिधी: मधुमेह म्हणजेच डायबेटिस असलेल्या रुग्णांनी त्यांच्या आहारात काय खावे आणि काय टाळावे याची विशेष खबरदारी घ्यावी लागते. अनेक वेळा गोड खाण्याची तीव्र इच्छा होत असल्याने, रुग्ण अशा पदार्थांची निवड करतात ज्यामध्ये नैसर्गिक गोडवा असतो. त्यातीलच एक म्हणजे मनुका. मात्र, मनुका खाण्यामुळे साखरेची पातळी वाढते का? आणि डायबेटिसच्या रुग्णांनी ते खावे का? याबाबत तज्ज्ञांचे मत काय आहे, ते जाणून घेणे आवश्यक आहे.

Should Diabetic Patients Eat Raisins?

मनुका खाणे योग्य की अयोग्य?

आहारतज्ज्ञांच्या मते, मनुका हे फायबर, अँटिऑक्सिडंट्स, पोटॅशियम, लोह आणि कॅल्शियमचा चांगला स्रोत आहेत. ते हृदय, हाडे, त्वचा आणि पचनक्रियेच्या दृष्टीने फायदेशीर ठरतात. मात्र, मनुकांमध्ये नैसर्गिक साखर भरपूर प्रमाणात असते. त्यामुळे मधुमेह असलेल्या रुग्णांनी थेट मनुका खाणे टाळावे.

मनुकाचे पाणी: एक सुरक्षित पर्याय?

मधुमेही रुग्ण मनुकांचे पाणी पिऊ शकतात. तज्ज्ञ सांगतात की मनुकाचे पाणी पिल्याने हाडे मजबूत होतात, हृदय निरोगी राहते आणि पचनक्रिया सुधारते. मात्र हे पाणी मर्यादित प्रमाणात आणि नियमित साखरेची पातळी तपासतच प्यावे. डॉ. प्रल्हाद चावला यांच्या मते, मनुकाचे पाणी हे मधुमेही रुग्णांसाठी फायदेशीर ठरू शकते, पण थेट मनुका खाल्ल्यास साखरेची पातळी झपाट्याने वाढू शकते.

एक-दोन मनुके चालतील का?

कधी कधी चव बदलण्यासाठी किंवा फारच इच्छा झाली तर एक-दोन मनुके खाण्यात हरकत नाही, पण नियमितपणे किंवा मोठ्या प्रमाणात खाल्ल्यास साखरेची पातळी वाढू शकते.

टीप: वरील माहिती ही आरोग्यविषयक जनजागृतीसाठी आहे. कोणताही आहार बदल करण्यापूर्वी कृपया आपल्या डॉक्टरांचा सल्ला घ्या.

📌 महत्वाच्या बातम्या

• किडनी स्टोनच्या रुग्णांनी दही खावे की टाळावे? जाणून घ्या काय सांगतात तज्ज्ञ
• रेशमी आणि चमकदार केसांसाठी भेंडीचा नैसर्गिक उपाय; घरच्या घरी बनवा हेअर मास्क
• नाकात लस टाका आणि कोरोनाला ‘नो एंट्री’! शास्त्रज्ञांनी दिला नवा उपाय